Plantun de Prouvènço

Pèr coumpara dos planto d'encò nostre

Lathyrus linifolius & Lilium bulbiferum

Lathyrus linifolius

Fabaceae Leguminosae

Nom en français : Gesse à feuilles de lin.

Descripcioun :
Aquesto jaisso, raro au couchant, trachis dins li blachiero, faio, sapino e pinedo de pin-gavot. Li fueio an de 2 à 4 paréu de fueioun e soun acabado pèr un bènc. La cambo es alado e la souco tuberisado. Li flour formon uno grapo de 2 à 6 flour, roso-vióuleto e pièi bluio. Li dóusso, de 3 à 5 cm, soun negro un cop maduro e caupon de 4 à 14 grano.

Usanço :
Èi couneigudo desempièi l'age-mejan pèr coupa la fam (2 flour).

Port : Erbo
Taio : 15 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Lathyrus
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irregulièro
Ø (o loungour) flour : 10 à 15 mm
Flourido : Printèms - Estiéu

Sòu : Si
Autour basso e auto : Pancaro entresigna
Aparado : Noun
Mai à juliet

Liò : Blachiero - Faio - Pinedo - Sapiniero
Estànci : Subremediterran à Mountagnard
Couroulougi : Éuropo-Cèntre
Ref. sc. : Lathyrus linifolius (Reichard) Bässler, 1971

Tonipan

Lilium bulbiferum

Liliaceae

Àutri noum : Peiloulet, Lis-de-Sant-Jan, Flour-dal-sacre-couor.

Noms en français : Lis safrané, Lis orangé.

Descripcioun :
Lou tonipan (Vesubiò) apela encaro peiloulet (Tiniò), pulèu rare, trachis dins li prado e li pendis roucassous de mountagno. Se vèi de liuen e se recounèis eisadamen emé si grosso (5 à 8 cm) e bèlli flour aranjo, pourtado pèr uno cambo cuberto de fueio estrecho, longo e noumbrouso.

Usanço :
Èro acampa pèr n'en faire de bouquet. Li flour, macerado dins l'òli o l'aigardènt servien pèr sougna li macaduro. Aro es apara, marca sus listo roujo, categourìo soucit minour.